बलिउडका चर्चित निर्देशक तथा अभिनेता सतीश काैशिककाे ६७ वर्षकाे उमेरमा निधन

प्रकाशित मिति: २५ फाल्गुन २०७९, बिहीबार ०९:०४


काठमाडाैं, फागुन २५ ।
बलिउडका चर्चित निर्देशक तथा अभिनेता सतीश कौशिकको निधन भएको छ । उनकाे ६७ वर्षको उमेरमा आज बिहान निधन भएको हो ।

यो जानकारी उनका नजिकका साथी अभिनेता अनुपम खेरले सामाजिक सञ्जालमार्फत् दिएका हुन् । उनले ट्वीटमा लेखेका छन्, ‘मृत्यु यस संसारको अन्तिम सत्य हो । तर, जिउँदै मेरो मिल्ने साथी सतीश कौशिकको बारेमा यो लेख्छु भनेर सपनामा पनि सोचेको थिइनँ ।’

यसपछि अनुपम खेरले निकै दुःखका साथ लेखे, ‘४५ वर्षको मित्रतामा यस्तो अचानक पूर्णविराम’ ।

उनका फ्यान र बलिउड जगतका सेलिब्रेटीहरूलाई सतीश कौशिकको निधनले शोकमा पुर्‍याएको छ । मिडिया रिपोर्टकाअनुसार उनको निधन हृदयघातका कारण भएको हो ।

सतीश काैशिकले आफ्नो करियर सन् १९८३ मा फिल्म जाने भी दो यारोबाट सुरु गरेका थिए । यसअघि पनि उनले धेरै थिएटरमा काम गरिसकेका छन् तर, पहिचान भने पाउन सकेका थिएन ।


प्रतिक्रिया

ताजा खबर

More