काठमाडौं, फागुन १६ ।
सिटी एक्सप्रेस मनी ट्रान्सफर मुन्द्रेको कमेडी क्लबको मुख्य प्रायोजकको रूपमा रहने भएको छ ।

सो कार्यक्रम चैत २ गतेदेखि नियमित रूपमा सिटी एक्सप्रेस मुन्द्रेको कमेडी क्लबको नामबाट कान्तिपुर टेलिभिजनमा प्रशारण गरिने भएको छ र युट्युबमा ओएसआर डिजिटलबाट प्रशारण हुनेछ ।

सिटी एक्सप्रेस मनी ट्रान्सफरको कार्यालयमा मुन्द्रेको कमेडी क्लबका निर्माता कि इन्टरटेन्मेन्ट र सिटी एक्सप्रेस मनी ट्रान्सफरबीच मुख्य प्रायोजकमा सिटी एक्सप्रेस रहने सम्झौता पत्रमा हस्ताक्षर भएको हो ।

सिटी एक्सप्रेस मुन्द्रेको कमेडी क्लब हरेक बिहीबार बेलुकी ९ बजे कान्तिपुर टेलिभिजनमा प्रशारण गरिने भएको छ ।

यस कार्यक्रमका मुख्य पात्रको रूपमा चर्चित हाँस्य कलाकार जितु नेपाल र नायिका प्रियंका कार्की रहेका छन् भने कलाकारहरू दमन रूपाखेती, राजेन्द्र नेपाली ‘लट्टे’, प्रभात लामा, दिनेश काफ्ले, श्याम राना, एलिना बास्कोटाका साथै अन्य कलाकारहरू पनि विभिन्न भागमा उपस्थिति रहनेछ । कार्यक्रमको निर्देशन दिनेश डीसीले गर्ने भएका छन् ।

सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउँदै विगत १६ वर्षदेखि संसारभरबाट विप्रेषण सेवा प्रदान गर्दै आइरहेको छ । सिटी एक्सप्रेसका देशभर छरिएर रहेका १५,००० भन्दा बढी भुक्तानी केन्द्रहरूमार्फत् छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाईल वालेटमा लोड गर्न सकिने जस्ता सुविधाहरू पनि प्रदान गर्दै आइरहेको कम्पनीले एक प्रेस विज्ञप्ति जारी गरी जनाएको छ ।