काठमाडाैं, चैत ४ ।
धनगढीको सेती प्रादेशिक अस्पतालमा एक बिरामीको मृत्यु भएको छ । आज शनिबार बिहान साढे ७ बजे चुरे गाउँपालिका-३ की ३७ वर्षीया झरना थापामगरको अस्पतालमा मृत्यु भएको हो ।

अस्पताल श्राेतकाअनुसार पाठेघरको समस्या भएकी मगरको शल्यक्रिया भएपछि मृत्यु भएको हो । उनको पाठेघरमा मासु पलाएकोमा हिजो नै शल्यक्रिया गरिएको थियो । तर, पाठेघरको शल्यक्रिया गरिएपछि त्यसको केही समयमै उनको ज्यान गएको बताइएको छ । आफन्तकाअनुसार बिरामीको पाठेघरमा मासु पलाएको भनेर भनेको चैत २ गते शल्यक्रियाको मिति छ भनेर अस्पतालले जानकारी दिएको थियो । तर, हिजो मात्रै शल्यक्रिया गरिएको थियो ।

हिजो राति साढे १ बजे शल्यक्रिया भएर बिरामीलाई आईसीयूमा राखेको जानकारी आएको तर, फेरि बिहान मृत्यु भएको भनेर जानकारी गराइएको मृतकका भिनाजु ठक्कर रानाले जानकारी दिएका छन् । अस्पतालको लापर्बाहीका कारण बिरामीको ज्यान गएको उनको आरोप रहेकाे छ । उनले भने, ‘सामान्य अवस्था भएको बिरामीको कसरी मृत्यु भयो ? त्यसको कारण अस्पताल र चिकित्सकहरूले दिनुपर्छ । हामीलाई लगातार रगत ल्याउन मात्रै भनिएको थियो । यसमा अस्पतालले ठूलो लापर्बाही गरेको छ । यसको सत्यतथ्य आउनुपर्छ ।

अहिले बिरामीका आफन्तहरूले अस्पताल प्राङ्गणमा आन्दाेलित रहेका छन् ।