काठमाडौं, चैत ६ ।
सरकारले भोलि चैत ७ गते मंगलबार काठमाडौं उपत्यकामा सार्वजनिक बिदा दिएको छ ।

घोडे जात्राको अवसरमा सरकारले काठमाडौं उपत्यकामा सार्वजनिक बिदा दिएको हो ।

यो बिदा राजपत्र मै प्रकाशन गरेर तय भएको सार्वजनिक बिदा हो ।

प्रत्येक वर्ष चैत कृष्ण औँसीको दिन उपत्यकामा घोडे जात्रा मनाइने गरिएको छ ।

काठमाडौं उपत्यकामा प्रचलित मध्येको यो जात्रा प्राचीन जात्राको रूपमा लिइन्छ ।

पञ्चाङ्ग निर्णायक समितिका अध्यक्ष प्रा. डा. रामचन्द्र गौतमकाअनुसार परापूर्वकालदेखि उपत्यकाको मानव बस्तीमा राक्षसले बालबालिका खाइदिने तथा विभिन्न दुःख दिने गरेको र उक्त राक्षसलाई घोडाको टापले कुल्चाएर मारिएको किंबदन्तीका आधारमा घोडे जात्रा मनाइएको पाइन्छ ।