काठमाडाैं, चैत १५ ।
आजबाट काठमाडाैंकाे पाैराणिक जात्रा सेतो मच्छिन्द्रनाथको रथ जात्रा विधिपूर्वक सुरु भएको छ । आज अपरान्ह ४ बजेबाट मच्छिन्द्र बहालदेखि आज तीनधारा पाठशालासम्म रथ यात्रा भएको हो ।

त्यस्तै, आजै ५ बजेदेखि साढे ६ बजेसम्म जमल, रत्नपार्क, भोटाहिटी हुँदै असनसम्म रथ जात्रा भएको छ । भाेलि बिहीबार चैत १६ गते ५ बजेदेखि साढे ६ बजेसम्म असन, बालकुमारी, केल टोल, इन्द्रचोक मखन हुँदै हनुमानढोकासम्म रथ जात्रा हुनेछ भने १७ गते ४ बजेदेखि साढे ६ बजेसम्म हनुमानढोका, चिकँमुगल, जैशीदेवल, ज्याबहाल हुँदै लगनसम्म रथ जात्रा हुनेछ ।

यसैगरी, चैत १८ गते साँझ साढे ५ बजेदेखि साढे ६ बजेसम्म लगन आमा रुख अर्थात नेपालभाषामा माँ सिमा परिक्रमा, चैत १९ गते साँझ साढे ५ बजेदेखि साढे ७ बजेसम्म लगन, ज्याबहाल, द्यः लँ, युतुननि, क्वःहिति भीमसेन थान, मरु, यत्खा, नरदेवी, किलागल, भेडासिङ, केलटोल हुँदै मच्छिन्द्रबहालसम्म रथ जात्रा गर्ने कार्यक्रम रहेको छ ।