काठमाडाैंका केही स्थानमा आज सवारी आवागमन प्रभावित हुने

प्रकाशित मिति: १६ चैत्र २०७९, बिहीबार ०८:२०


काठमाडाैं, चैत १६ ।
काठमाडौंका केही स्थानमा आज पनि सवारी आवागमनमा प्रभावित हुने भएको छ । सेतो मच्छिन्द्रनाथको रथ जात्राका कारण सवारी आवागमन प्रभावित हुने भएको हो ।

आज असन, केलटोल, इन्द्रचोक, मखन, हनुमाढोका दरबार स्क्वायर परिसर क्षेत्रको सवारी आवागमन प्रभावित हुनसक्ने काठमाडौं महानगरपालिकाले जनाएको छ । रथ यात्राको समयमा उक्त क्षेत्रमा कुनै सवारी साधन प्रवेश गर्न नदिइने भएकाे छ ।

बुधबार तीनधारा पाठशाला, घण्टाघर, रत्नपार्क, भोटाहिटी, असन क्षेत्रको सवारी रथयात्राको समय प्रभावित भएको थियो । बुधबारदेखि काठमाडौंमा सेतो मच्छिन्द्रनाथको रथ जात्रा सुरु भएको छ ।


प्रतिक्रिया

ताजा खबर

More