काठमाडाैं, बैशाख २ ।
काठमाडाैं उपत्यकाभित्र मनाइने हरेक चाडपर्वकाे महत्व छुट्टाछुट्टै रहश्य रहेकाे हुन्छ । यसैबीच, भक्तपुरमा आज शनिबार जिब्रो छेड्ने जात्रा मनाइँदै छ । मध्यपुर ठिमी नगरपालिकाको बोडेमा हरेक वर्ष बैशाख २ गते ‘जिब्रो’ छेड्ने जात्रा मनाइन्छ । जसअनुसार शनिबार बोडेका २७ वर्षीय सुजन बाग श्रेष्ठले पहिलो पटक जिब्रो छेडाएर जात्रालाई निरन्तरता दिँदै छन् ।

जिब्रो छेड्ने व्यक्तिले महादीप बोकेर नगर परिक्रमा गरेर बोडेको महालक्ष्मी मन्दिरमा पुगेर सुइरो झिकेपछि जात्रा सम्पन्न हुन्छ । यस क्रममा मध्यपुर ठिमी क्षेत्रमै शनिबार ३२ खटसहितको सिन्दुर जात्रा पनि मनाइँदैछ ।

बिस्केट जात्राको अवसरमा मध्यपुर ठिमीका स्थानीयबासीले बिहानैदेखि हर्षोल्लासका साथ सिन्दुर खेलेर सिन्दुर जात्रा मनाउने गर्दछन् ।