काठमाडाैं, बैशाख ८ ।
नेपालमा पछिल्लो २४ घण्टामा थप १ सय ६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयकाअनुसार आज शुक्रबार मात्रै थप १ सय ६ जनामा कोरोना संक्रमण पुष्टि भएको हो ।

पछिल्लो २४ घण्टामा १ हजार ८ सय ८३ नमुनामध्‍ये ५ सय ८१ जनाको पीसीआर परीक्षण गर्दा ६४ जना र १ हजार ३ सय २ जनाको एन्टीजेन परीक्षण गर्दा ४२ जना गरी १ सय ६ जनामा कोरोना संक्रमण देखिएको हो । कोरोना सङ्क्रमणबाट थप एक जनाको मृत्‍यु भएको छ ।

यस्तै, कोरोना सक्रिय सङ्क्रमितको संख्या ४ सय १४ पुगेको छ भने संस्थागत आईशोलेशनमा २५ जना, आईसीयूमा ७ जना र भेन्टिलेटरमा ३ जना उपचाररत् रहेका छन् ।