काठमाडौं, जेठ २२ ।
सरुवा रोग विशेषज्ञ डा। शेरबहादुर पुनले ज्येष्ठ नागरिक, दीर्घ रोगी र बालबालिकालाई गर्मीबाट बच्न सुझाब दिएका छन् ।

‘वातावरणीय सन्तुलन बिग्रँदा विश्वभरी नै तापक्रम बढ्दै गएको छ । शारीरिक रूपमा कमजोर, श्वास–प्रश्वास, मुटुलगायतका दीर्घ रोगी, ज्येष्ठ नागरिक र बालबालिका यसबाट प्रभावित रहेका छन् । सामान्य मानिसले पनि गर्मीबाट बच्नै पर्छ । सकेसम्म कुनै अत्यावश्यक काम नपरीकन चर्को घाममा बाहिर नहिँड्नु जाती हुन्छ, डा. पुनले भने ।

डा। पुनले अत्यधिक गर्मी बढ्दा संक्रामक रोगहरू निम्तिने चिन्ता पनि व्यक्त गरेका छन् । उनले भने, ‘केही दिन अझै तापक्रम निरन्तर बढ्न सक्ने विश्लेषण गरिएको छ । त्यसले संक्रामक रोगहरू निम्त्याउन सक्छ । त्यसैले खानपानमा ध्यान दिनुपर्छ । गर्मीमा अत्यधिक पसिना आउने भएकाले डिहाइड्रेसन हुन सक्छ । त्यसैले प्रशस्त पानी, जुस वा झोलिलो पदार्थ पिउनु पर्छ । शरीरलाई पानीले भिजाउनु पर्छ ।’ कोठामा बस्दा ढोका बन्द नगर्न पनि उनले सुझाब दिए ।

अत्यावश्यक कामले बाहिर हिँड्नु पर्दा छाता ओढ्नुपर्ने वा बेला–बेलामा शीतल ठाउँमा बस्नुपर्ने डा। पुनको भनाई रहेको छ ।