गैरकानूनी जुवा खेलाउनेमा कलाकारहरू राजु मास्टर र म्याकुरी पनि पक्राउ
काठमाडौं, जेठ ३२ ।
प्रहरीले गैरकानूनी रूपमा जुवा (वान एक्स बेट) खेलाउने गिरोहलाई पक्राउ गरेको छ । पक्राउ परेका ८ जनालाई सार्वजनिक प्रहरीले गरेको छ ।
काठमाडौं उपत्यका अपराध अनुसन्धान कार्यालयले उक्त गिरोहलाई साथ दिएको भन्दै केही कलाकार र युट्युबरहरूलाई समेत पक्राउ गरेको हो ।
पक्राउ पर्ने कलाकारहरूमा मरिचमान श्रेष्ठ (बल्छी ध्रुबे), पवन खतिवडा (म्याकुरी), राजु पौडेल (राजु मास्टर), सरोज घिमिरे (ढेडो बुढो) र बेगम नेपाली (भटभटे माइला), युट्युबरहरू अलिश राई, जलन घर्तीमगर, गणेश देवकोटा (जीडी) रहेका छन् ।
उनीहरूलाई वान एक्स बेटको प्रचार–प्रसार गरेर लाभ लिएको आरोप प्रहरीले लगाएको छ । प्रहरीले यसअघि पाँच जनालाई पक्राउ गरी सार्वजनिक गरेको थियो । यसअघि पक्राउ पर्नेहरूमा दिनेश खड्का, अनिता धिताल, दिपेश श्रेष्ठ, दिनेश चन्द र आशिष लामिछाने रहेका छन् ।
प्रतिक्रिया