काठमाडौं, असार ७ ।
उच्च अदालत पाटनले हिन्दी फिल्म नरोक्न अन्तरिम आदेश दिएको छ । आज बिहीबार धीरबहादुर चन्दको एकल इजलासले काठमाडौं महानगरपालिकालाई हिन्दी फिल्म नरोक्न अन्तरिम आदेश दिएका हुन् ।

उच्च अदालत पाटनले दुबै पक्षलाई छलफल गर्न असार १२ गते बोलाएको छ ।

काठमाडौं महानगरका प्रमुख बालेन्द्र साह (बालेन)को आदिपुरुषले ‘सीता भारतकी छोरी हुन्’ भन्ने संवाद तीन दिनभित्र हटाउन चेतावनी दिए पनि नहटाएपछि महानगरभित्र हिन्दी फिल्म चल्न नदिने घोषणा गरेका थिए ।

मेयर बालेनले काठमाडौं महानगरपालिकामा हिन्दी फिल्म प्रदर्शनमा रोक लगाएपछि उनीहरूले बुधबार उच्च अदालत पाटनमा चलचित्र संघले मुद्दा दर्ता गरेको हो । उनीहरूले काठमाडौं महानगरपालिकाका मेयर बालेन, नगर प्रहरी, गृह मन्त्रालय र सञ्चार, सूचना तथा प्रविधि मन्त्रालयलाई विपक्षी बनाएको थियो ।

काठमाडौं महानगरपश्चात् पोखरा महानगरपालिका र धरान उपमहानगरपालिकाले पनि भारतीय हिन्दी फिल्म प्रदर्शनमा रोक लगाउने घोषणा गरेका थिए ।