काठमाडाैं, असार २० ।
नेपाली रक ब्याण्ड ‘रबिन एण्ड दी रिभ्युलेसन’का चर्चित गायक रोविन तामाङकाे निधन भएकाे छ ।

६० वर्षका रोविनको मंगलबार साँझ काठमाडौंको बुढानीलकण्ठ नगरपालिका-५ चिस्यानीस्थित निवासमा मृत्यु भएको हो । जिल्ला प्रहरी परिसर काठमाडौंका प्रमुख एसएसपी दानबहादुर कार्कीले तामाङ घरमै मृत अवस्थामा भेटिएको पुष्टि गरेका छन् ।

कार्कीकाअनुसार तामाङको शव उनको दुई तले घरको बेडरुममै भेटिएको हो । तर उनको निधनको कारण खुलिसकेको छैन ।

रविनको निधन भएको पुष्टि उनकी दिदी भगवती तामाङले पनि गरेकी छन् ।

रोविनको शव पोस्टमार्टमका लागि त्रिवि शिक्षण अस्पताल महाराजगञ्जमा राखिएकाे छ । रोविनले उल्लेख्य संख्यामा गीत गाउनुका साथै फिल्ममा समेत अभिनय गरेका छन् ।