बङ्गलादेशलाई टाइब्रेकरमा ४-२ गाेल अन्तरले पराजित गर्दै नेपालद्वारा उपाधी कब्जा

प्रकाशित मिति: ३१ असार २०८०, आईतवार २०:५३


काठमाडाैं, असार ३१ ।
नेपालको राष्ट्रिय महिला फुटबल टीमले बङ्गलादेशविरुद्धको अन्तर्राष्ट्रिय मैत्रीपूर्ण सिरिजको उपाधि जित्न सफल भएकाे छ ।

आज आइतबार दोश्राे खेलमा बङ्गलादेशसँग गोलरहित बराबरी खेलेको नेपालले टाइब्रेकरमा बंगलादेशलाई पराजित गरेर उपाधी कब्जा गरेकाे हो ।

वैकल्पिक गोलकिपर अञ्जना रानामगरले दुई प्रहार रोकेपछि नेपालले बङ्गलादेशलाई टाइब्रेकरमा ४-२ गोल अन्तरले पराजित गरेको हो ।

निर्धारित समयको खेल गोलरहित बराबरीमा सकिएपछि मैत्रीपूर्ण सिरिजको निर्णय टाइब्रेकरमा गरिएको थियो ।

एशियाडको तयारीमा रहेको नेपालको राष्ट्रिय महिला फुटबल टीम अन्तर्राष्ट्रिय मैत्रीपूर्ण सिरिजका लागि बङ्गलादेशमा गएको हो ।

पहिलो खेलमासमेत नेपालले घरेलु टोली बंगलादेशसँग १-१ गोलको बराबरी खेलेको थियो ।

नेपाललाई पराजित गर्दै बङ्गलादेशले गत वर्ष साफ च्याम्पियनशीपको उपाधस् जितेको थियो । नेपालले दुई खेलको मैत्रीपूर्ण सिरिजमा हराउँदै बङ्गलादेशी भूमिमा अन्तर्राष्ट्रिय उपाधी भने जितेको छ ।

दुबै देशले फिफा मान्यता प्राप्त मैत्रीपूर्ण फुटबल म्याच खेलका हुन् ।


प्रतिक्रिया

ताजा खबर

More

सुनचाँदी काराेबारकाे अन्तिम दिन सुन र चाँदीकाे मूल्य घट्याे

काठमाडाैं, चैत २२ । सुनचाँदी काराेबारकाे अन्तिम दिन आज शुक्रबार नेपाली बजारमा सुन र चाँदीको.....