पाल्पा, माघ १९ ।
रामपुर नगरपालिकाको सरकारी गाडीको चरम दुरूपयोग गर्ने गरेको छ । रामपुर नगरपालिकाका वडा सचिव मदन पराजुलीले गाडी सिक्दा नगरपालिकाको लु. १ झ ३१९ नम्बरको महिन्द्रा गाडी रुखमा ठोक्किएको हो ।

नगरपालिका अगाडिको खुला चौरमा गाडी सिकेका वडा सचिव पराजुलीले चौर छेउमा रहेको आँपको रुखमा ठोक्काएको प्रत्यक्षदर्शीले बताए ।

तर, नगरपालिकाका कार्यकारी अधिकृत ठानेश्वर पराजुलीले चालकले नै चलाउँदा समयमा दुर्घटना भएको दाबी गरे । नगरपालिकाका सवारी चालक शंकर पौडेलले गाडी आफैँले चलाउँदा ठोक्किएको बताएका छन् ।

बजारको पछाडिको खुला चौरमा भएका घटनाका प्रत्यक्षदर्शीले भने कर्मचारीको दबाबमा आएर सवारी चालकले कुरा फेरेको बताए । गाडीको अगाडिको भागमा क्षति पुगेको छ । नगरपालिकाका सवारी चालक पौडेलकाअनुसार गाडी मर्मत गर्न करिब एक लाख रुपैयाँ लाग्ने बताए ।