मच्छिन्द्रद्वारा भुटानकाे शीर्ष डिभिजन लिग च्याम्पियन पाराे ३-२ गाेलले पराजित

प्रकाशित मिति: २३ श्रावण २०८०, मंगलवार २०:०४


काठमाडाैं, श्रावण २३ ।
एएफसी कप छनोटको प्रारम्भिक चरणमा नेपालकाे शहीद स्मारक ‘ए’ डिभिजन लिगकाे मच्छिन्द्र फुटबल क्लबले भुटानको शीर्ष डिभिजन लिग च्याम्पियन पारो एफसीलाई हराउन सफल भएकाे छ ।

आज मङ्गलबार काठमाडाैंकाे त्रिपुरेश्वरस्थित दशरथ रङ्गशालामा भएकाे खेलमा मच्छिन्द्रले पाराे एफसीलाई ३-२ गाेल अन्तरले पराजित गरेकाे हाे । खेलमा सुरुवाती अग्रता लिए तापनि मच्छिन्द्रले उत्कृष्ट पुनरागमन गर्दै अग्रता लिएकाे हाे ।

मच्छिन्द्रका लागि १२ अ‍ौँ मिनेटमा विमल घर्तीमगर, १५ औँ मिनेटमा आयुष घलान र ३९ औँ मिनेटमा ओलावाले आफिजले गाेल गरेका थिए । पाराेका लागि खेलकाे छैटाैँ मिनेटमा काजुओ हाेमा र ७१ औँ मिनेटमा एभान्स असान्तेले गाेल गरेका थिए ।

याे जितसँगै मच्छिन्द्र दाेश्राे चरणमा प्रवेश गरेकाे छ । मच्छिन्द्रले अब प्लेअफको दोश्राे चरणमा भारतकाे इण्डियन सुपर लिग (आईएसएल) खेल्ने मोहन बगान सुपर जायन्टसँग खेल्नेछ । याे खेल अगष्ट १६ मा कोलकाताकाे साल्ट लेक रङ्गशालामा हुनेछ । यो खेलको बिजेताले समूह चरणमा स्थान बनाउन बङ्गलादेशको अवाहानी ढाका र माल्दिभ्सको क्लब इगल्सबीचकाे खेलको बिजेतासँग अगष्ट २२ मा खेल्नेछ ।


प्रतिक्रिया

ताजा खबर

More

सुनचाँदी काराेबारकाे अन्तिम दिन सुन र चाँदीकाे मूल्य घट्याे

काठमाडाैं, चैत २२ । सुनचाँदी काराेबारकाे अन्तिम दिन आज शुक्रबार नेपाली बजारमा सुन र चाँदीको.....