काठमाडाैं, श्रावण २५ ।
अप्रेशन ‘फोक्सट्रोट चार्ली’ मा त्रिभुवन विश्वविद्यालय शिक्षण अस्पतालमा कार्यरत एक डाक्टर पनि पक्राउ परेका छन् । केन्द्रीय अनुसन्धान ब्यूरो (सीआईबी) को टोलीले डाक्टर अमृत चौधरी र महोत्तरीका डाक्टर रञ्जितकुमार यादवलाई पक्राउ गरेको हो ।

रञ्जित हाल कुन अस्पतालमा कार्यरत छन् भन्ने नखुलेको सीआईबीका एसपी नवराज अधिकारीले बताएका छन् ।

सीआईबीले अहिले पनि नक्कली डाक्टरमाथि अप्रेशन चलाइरहेको छ । भाेलि शुक्रबार यस विषयमा पत्रकार सम्मेलन नै गरेर उनीहरूलाई सार्वजनिक गर्ने सीआईबीको तयारी रहेकाे छ ।

नेपाली कांग्रेसका सांसद्समेत रहेका डा. सुनिलकुमार शर्मा पनि पक्राउ परेका छन् । उनलाई पनि नक्कली शैक्षिक प्रमाण पत्रकै आरोपमा पक्राउ गरेको हो ।

अप्रेशन ‘फोक्सट्रोट चार्ली’ जारी रहेकाले यो संख्या अझै बढ्न सक्ने बताइएको छ ।