काठमाडाैं, श्रावण २६ ।
नेपाली बजारमा सहजै रूपमा पाइने विभिन्न ब्राण्डका कस्मेटिक उत्पादनहरूमार्फत् आफ्नो छालामा प्रयोग गर्दा हानिकारक रसायनहरूको बारेमा आम नेपाली सौन्दर्य प्रशाधन उपभोक्ताहरू समस्या मात्र भोग्दै आएका छैनन् ताकि निकै चिन्तित पनि रहेका छन् । बजारमा सहज रूपमा पाइने त्यस्ता वस्तुहरू अरूको अनुपातमा सस्तो त छ तर पछिल्लो रिपोर्टअनुसार नेपालमा गुणस्तरहीन र नक्कली सौन्दर्य सामाग्रीहरू भित्रिने क्रम पनि निकै वृद्धि हुँदै गएको छ ।

नक्कली उत्पादनको प्रयोगले सौन्दर्यताका लागि भनेर प्रयोग गरिने सामग्रीबाटै उपभोक्ताहरू ठगिने र त्यस्ता सामग्रीको प्रयोगले छालाजन्य रोगहरूको संख्या पनि दिनानुदिन बढ्दो क्रममा रहेको छ । यस्ता सामग्रीहरूले स्वास्थ्यमा विभिन्न नकारात्मक असर पार्दै गइरहेको छ भने, आर्थिक व्यायभारसमेत बढेको छ । अब, भने नेपाली आम उपभोत्ताले यस्ता समस्याबाट चिन्ता गर्ने दिन गएको छ । सौन्दर्यताका लागि उपयोग गरिने यस्ता सामग्रीहरूले पुर्‍याएको असरलाई मध्यनजर गर्दै विगत लामो समयदेखि शत प्रतिशत प्राकृतिक तथा कुनै साईड ईफेक्ट नभएको विभिन्न सौन्दर्य सामग्रीहरू अर्गानिक रूपमा उत्पादन गरी विश्व बजारको अधिकांश देशहरूमा निर्यात गर्दै आएको नन्दिनी हर्बल केयर ९प्रा।० लि।का उत्कृष्ट ब्राण्डहरू नेपालमा भित्रिएको छ ।

भारतको गुजरातमा रहेको मुख्यालयबाट दुबई, कतार, थाइल्याण्ड, न्यूजिल्याण्ड, ओमन, बङ्गलादेश, श्रीलंकालगायत करिब ४५ वटा देशहरूमा निर्यात हुँदै आएको नन्दिनी अर्गानिक ब्राण्डका अर्गानिक सौन्दर्य सामग्रीहरू औपचारिक रूपमा नेपाल भित्रिएको हो । पछिल्लो पटक खानामा होस् या अन्य वस्तुहरूमा अर्गानिक उत्पादनहरूको माग ह्वात्तै बढेको छ । यसै अनुरूप बजारको मागअनुसार नेपालमा पनि सन स्क्रिन, मोश्चराईजर ,फेश वास, डे क्रिम, नाईट क्रिम, ईसन्सियल आईललगायत थुप्रै अर्गानिक सौन्दर्य सामग्रीहरूको बिक्री वितरण गर्न लागेको कम्पनीका उत्पादक नन्दिनी हर्बल भारतका प्रबन्ध(निर्देशक हितेश लिम्बानीले जानकारी दिएका छन् । उनकाअनुसार, नेपाली उपभोक्ता माझ भारतीय सौन्दर्य सामग्रीहरूको विश्वासका कारण लामो अनुसन्धानपश्चात् हाम्रा अर्गानिक सौन्दर्य सामग्रीहरूलाई सहज रूपमा बजारीकरण गर्न सकिने अवस्था देखेर नेपालमा नन्दिनी अर्गानिक ब्राण्डका सौन्दर्य सामग्रीहरू भित्राइएको हो । नेपाली ग्राहकहरूलाई विश्वस्तरीय सौन्दर्य हेरचाह उत्पादनहरू प्रदान गर्ने स्पष्ट मिशनका साथ यस्ता उत्पादनहरू नेपाल ल्याउन आफ्नो पसिना र परिश्रम लगाएको लिम्बानी बताउँछन् ।नन्दिनी ब्राण्डका उत्कृष्ट सौन्दर्य सामाग्रीहरू नेपालका विभिन्न आउटलेट, वितरक, ब्यूटि पार्लर, सैलुन, मेडिकल स्टोरलगायत मार्ट सपिङ्ग मलहरूमा सहजै उपलब्ध हुने, उक्त उत्पादनहरूलाई नेपालमा बजारीकरण तथा व्यवस्थापनको जिम्मेवारी लिएका कन्ट्रि म्यानेजर पदम शर्माले जानकारी दिए । गुणस्तरमा शत प्रतिशत प्रतिबद्धता जनाएको कम्पनीले करिब ३ वर्षदेखि नेपाली बजारमा एन प्लस प्रोफेशनल तथा ला रिभेरी ब्राण्डका उत्कृष्ट सौन्दर्य सामग्रीहरू बिक्री वितरण गर्दै आएको पनि छ ।

नेपालको अधिकांश युनिसेक्स सैलुन, पार्लर तथा सौन्दर्यकर्मीको पहिलो रोजाई रहेको एन प्लस प्रोफेशनल तथा ला रिभेरीका उत्पादनहरूको माग बढ्दै गएको कन्ट्रि म्यानेजर शर्माले बताए । भारतको सौन्दर्य सामग्रीहरूको चर्चित ब्राण्ड भित्र उत्कृष्टमा पर्ने नन्दिनी हर्बलले नेपालमा पनि राम्रो बजार लिनेमा ढुक्क छौँ उनले बताए । नन्दिनी अर्गानिक ब्राण्डका बारेमा जानकारी दिने उद्देश्यले राजधानीमा आयोजित पत्रकार भेटघाट कार्यक्रममा मिस नेपाल २००२ की बिजेता उषा खड्गी, अध्यागमन विभागका महानिर्देशक झलकराम अधिकारी तथा सामाजिक अभियन्ता भिम उपाध्यायले संयुक्त रूपमा उक्त उत्पादनहरूको औपचारिक बिक्री वितरणको पनि शुभारम्भ गरेका थिए । होटल ग्राण्डमा आयोजित उक्त प्रेस मिटमा उपस्थित व्यक्तित्वहरूले नन्दिनी अर्गानिकका ब्राण्डले नेपालमा राम्रो बजार लिने र सौन्दर्य पारखीहरूको रोजाईमा पर्नेमा आफूहरू विश्वस्त रहेको बताए ।

मिस नेपाल उषा खड्गीले आफूले विभिन्न ब्राण्डको एम्बेसडर भएर काम गरेको र विभिन्न ब्राण्डेड उत्पादन प्रयोग गर्दै आएको तर, पहिलो पटक यस्ता अर्गानिक सौन्दर्य ब्राण्डका बारेमा जानकारी लिँदा यस उत्पादनले नेपालमा राम्रो बजार पाउने कुरामा कुनै दुई मत नरहेको धारणा व्यक्त गरिन् ।