नक्कली शैक्षिक प्रमाण पत्र बनाएकाे आराेपमा एमबीबीएस अध्ययनरत एक विद्यार्थी पक्राउ

प्रकाशित मिति: १ भाद्र २०८०, शुक्रबार १३:३३


काठमाडाैं, भाद्र १ ।
नक्कली शैक्षिक प्रमाण पत्र (सर्टिफिकेट) बनाएको आरोपमा चितवनमा एमबीबीएस अध्ययनरत एक विद्यार्थी पक्राउ परेका छन् ।

नेपाल प्रहरीको केन्द्रीय अनुसन्धान ब्यूरो (सीआईबी) ले गएराति नसिम अख्तरलाई पक्राउ गरेको हो । सप्तरीको राजविराज–७ ठेगाना भएका अख्तरलाई चितवनबाट काठमाडाैं पठाइएको जिल्ला प्रहरी कार्यालय चितवनले जनाएको छ ।

प्रहरीकाअनुसार अख्तर चितवन मेडिकल कलेजमा एमबीबीएसको अन्तिम सेमेस्टरमा अध्ययनरत विद्यार्थी हुन् । उनले आईएसी पासको सर्टिफिकेट नक्कली बनाएको आरोप लागेको छ । यस विषयमा अनुसन्धान भइरहेको प्रहरीले जनाएको छ ।


प्रतिक्रिया

ताजा खबर

More