काठमाडाैं, भाद्र ३ ।
नेपाली राष्ट्रिय टोलीका स्ट्राइकर बिमल घर्तिमगर विवाह बन्धनमा बाँधिएका छन् । बिमलले विवाह बन्धनमा बाँधिएको आज आइतबार सामाजिक सञ्जालमा फोटो पोष्ट गरेर पुष्टि गरेका हुन् ।

बिमलले लामो समयदेखि सम्बन्धमा रहेकी प्रेमिका लिना प्रधानसँग काठमाडौंको भद्रकाली मन्दिमा विवाह गरेका हुन् । लिना र बिमल विगत पाँच वर्षदेखि प्रेम सम्बन्धमा रहेका थिए । दुई परिवारको उपस्थितिमा उनीहरूको विवाह सम्पन्न भएको हो ।

बिमल हालै भारतमा भएको एएफसी कप छनोट खेलेर फर्केका थिए । मछिन्द्रबाट एफसी कपको छनोट खेलेर नेपाल फर्केको केही दिनमा नै बिमल विबाह बन्धनमा बाँधिएका हुन् ।

बैदेशिक रोजगारीको सिलसिलामा युएईमा रहेकी लिना नेपाल आएको समयमा विवाह गरेकी हुन् । बिमलले माल्दिभ्समा फुटबल खेल्न जाने क्रममा लिनालाई पहिलो पटक भेटेका थिए । लिना केही दिनमा नै युएई फर्कने तयारीमा रहेकी छन् ।