महिला टी-२० अन्तर्गत नेपालकाे लगातार दाेश्राे जित, नेपालद्वारा बहराइन १० विकेटले पराजित

काठमाडाैं, भाद्र १५ ।
जारी महिला टी-२० विश्वकपको एशियाली छनोटमा नेपालले लगातार दोश्राे जित हात पार्न सफल भएकाे छ । आज शुक्रबार भएको खेलमा नेपालले बहराइनलाई १० विकेटले पराजित गरेकाे हाे ।
पहिला ब्याटिङ गरेको बहराइन १५ दशमलव ४ ओभरमा ३१ रनमा अलआउट भएको थियो भने नेपालकी इन्दु बर्माले ३ विकेट लिएकी थिइन् ।
नेपालले २ दशमलव ५ ओभरमा विकेट नगुमाई लक्ष्य भेट्टाएकाे थियाे । नेपालले १३ अतिरिक्त रन पाएको थियो । कविता कुँवरले अविजित १७ र सीता रानामगरले २ रन बनाएकी छन् ।
यसअघि पहिलो खेलमा नेपालले मलेशियामाथि ५ रनको रोमाञ्चक जित हात पारेको थियो ।
प्रतिक्रिया