काठमाडाैं, भाद्र २४ ।
क्रिकेटर आशिफ शेखमाथि बलात्कार आरोप लागेको छ ।

आज आइतबार दिउँसो बलात्कारको उजुरी लिएर पीडित पक्ष महानगरीय प्रहरी परिसर काठमाडौंमा पुगेको स्रोतले जनाएको छ । पीडित पक्षलाई परिसर प्रहरीले कालीमाटीस्थित महिला सेलमा पठाएको थियो । महिला सेलले उनीहरूलाई उजुरीमा रित नपुगेको भन्दै फर्काएको छ ।

कालीमाटीस्थित महिला सेल पुगेका पीडित पक्षले भोलि सोमबार रितपूर्वक निवेदन लिएर आउने बताएका थिए । एक युवतीले आशिफ शेखलाई बलात्कार गरेको आरोप लगाएकी हुन् ।

प्रहरीले रितपूर्वक निवेदन आएपछि उनीमाथि अनुसन्धान हुने जनाएको छ । परिसरका प्रवक्ताले एसपी कुमोद ढुंगेलले आफूले पनि सो विषय हल्का जानकारी पाएको तर निवेदन दर्ता नभएको बताएका छन् ।