काठमाडाैं, असाेज ७ ।
क्रिकेटर सन्दीप लामिछानेविरुद्ध चलिरहेको मुद्दाको सुनुवाइ आज आइतबार पनि स्थगित भएको छ ।

जिल्ला अदालत काठमाडौंमा चलिरहेको मुद्दामा सुनुवाइको पेसी तारिख तोकिएपछि न्यायाधीश अभावका कारण मुद्दा पेसीमा चढेन र सुनुवाइ स्थगित भएको हो ।

न्यायपरिषद्ले हालै केही न्यायाधीश सरुवा गरेको छ भने केही उच्च अदालतमा बढुवासमेत भएका छन् ।

सरुवा भएर जानेले मुद्दा नहेर्ने र आउनुपर्ने आई नसकेका कारण सीमित न्यायाधीशले मुद्दा हेर्न नभ्याइएको बताइएको छ । उक्त मुद्दाको पेसी अब कहिले तोकिन्छ भन्ने बारेमा केही उल्लेख पनि गरिएको छैन ।