काठमाडाैं, असाेज ८ ।
डेँगु संक्रमणबाट पाल्पामा आज सोमबार थप एक जनाको निधन भएको छ । ज्यान गुमाउनेमा पाल्पाको माथागढी गाउँपालिका-१, चिदीपानी बुढीकोटका ३५ वर्षीय पुरुष रहेको स्वास्थ्य कार्यालय पाल्पाले जनाएको छ ।

तानसनेस्थित युनाइटेड मिसन अस्पतालमा उपचाररत् उनको मृत्यु भएको बताइएको छ । असोज ५ गते मिसन अस्पतालमा भर्ना गरिएकोमा उनलाई डेँगुका साथै स्क्रबटाइफससमेत पोजिटिभ देखिएको स्वास्थ्य कार्यालय पाल्पाले जनाएको छ ।

डेँगु संक्रमणबाट यसअघि तानसेन नगरपालिका-६, बर्तुङकी ६९ वर्षीया महिला साथै स्याङ्जा गल्याङकी एक बालिकाको तानसेनस्थित युनाइटेड मिसन अस्पतालमै उपचारका क्रममा मृत्यु भएको थियो ।