काठमाडाैं मेडिकल कलेजका डाक्टरमाथि कुटपिट गर्ने दुई जना पक्राउ
काठमाडाैं, असाेज १४ ।
काठमाडौं मेडिकल कलेज (केएमसी)का डाक्टरलाई कुटपिट गरेको आरोपमा प्रहरीले दुई जनालाई पक्राउ गरेको छ ।
पक्राउ पर्नेमा गुल्मी घर भई काठमाडौंको चाबहिल बस्ने २२ वर्षीय रूपक गौतम र सिनामंगल बस्ने ३४ वर्षीय सरोज गौतम रहेको प्रहरीले जनाएको छ ।
डा. मनिष खड्कालाई कुटपिट गरेको आरोपमा दुबैलाई पक्राउ गरिएको जिल्ला प्रहरी परिसर काठमाडौंले जनाएको छ । उनीहरूलाई वृत्त गौशालामा राखिएको छ ।
ओपीडीमा लाइनमा बस्नुपर्ने बताएपछि उनीहरूले खड्कालाई कुटपिट गरेका थिए ।
कुटपिट भएपछि केएमसी अस्पतालका डाक्टर आन्दोलनमा निस्किएका थिए ।
प्रतिक्रिया