काठमाडाैं, असाेज २२ ।
विश्व कीर्तिमानी वरिष्ठ साहित्यकार सुरेन्द्र महर्जन ‘अमर’ को रचनामा नेपालभाषामा तयार गरिएको “जि ख्वपय् च्वंम्ह हिरो”को म्युजिक भिडियो एक समारोहकाबीच सार्वजनिक गरिएको छ ।

सार्वजनिक उक्त म्युजिक भिडियोमा आराध्यलक्ष्मी खड्गी र सुरज श्रेष्ठको मुख्य अभिनय रहेको छ भने उक्त भिडियोको कथाअनुसार फिल्ममा झैँ बाबु तामाङलाई खलनायकको भूमिकामा देख्न सकिन्छ ।  निर्देशक राजेशमान शाक्यले जानकारी दिएअनुसार नेपालभाषामा तयार भएको म्युजिक भिडियोलाई उत्कृष्ट अनि राम्रो भिडियो बनाउनको निमित्त हरसम्भव मेहनत गरेको बताए ।म्युजिक भिडियो हेर्ने सबैले नयाँ तथा फरक अनुभव गर्न सकोस् भनेर बिहानदेखि बेलुकीसम्म मेहनत गरेर पाँच दिनसम्म सुटिङ गरिएको पनि उनले जानकारी दिए ।गायक सूर्य कमल राई र दिलु श्रेष्ठको स्वरमा सजिएको सो नेपालभाषाको गीतमा संगीतकार तथा गायक सूर्य कमल राईको मिठो संगीत रहेको छ । अरू म्युजिक भिडियोभन्दा फरक शैलीमा नायकरनायिकालाई मात्र समावेश नगरी छुट्टै कथा समेटिएर चलचित्रमा झैँ एकतर्फ नायकरनायिका दोश्रो तर्फ खलनायकको पनि भूमिका रहेको हुनाले भिडियो हेर्दा गीतरसंगीतको साथै फिल्ममा जस्तो कथावस्तु समेटेर नायक नायिकाको मायाप्रित अनि नायक र खलनायकसँगको फाइट सिन पनि रहेकोे कारण  दर्शक र श्रोताहरू सबैले  म्युजिक भिडियो हेर्दा फिल्म हेरेको जस्तो अनुभव मिल्नेछ । नेपालभाषा बुझ्ने नबुझ्ने सबैले म्युजिक भिडियो हेरेपछि नेपालभाषा नै किन नहोस् नेपालभाषाको गीतको छुट्टै आनन्द लिन सकिने छ ।

सार्वजनिक गरिएकाे साे गीतमा फाइट निर्देशन सुरज श्रेष्ठ (एक्सन फाइट), सहायक फाइट सहनिर्देशन भने  बाबु तामाङ/दोर्जे लामा/जीवन कार्कीद्वारा गरिएको छ । छायाँकन र सम्पादन सोहन मानन्धर रहेको अनि फोटो ग्राफी विक्रम खड्गीको रहेको छ । गीतको निमित्त सल्लाह सुझाव राजु श्रेष्ठको भूमिका उच्च स्थानमा रहेको छ ।