एजेन्सी, कार्तिक ४ ।
अन्तरिक्षमा भारतको महत्त्वाकांक्षी मानव मिशन ‘गगनयान’को आज शनिबार सफलतापूर्वक परीक्षण उडान भएको छ ।

भारतीय अन्तरिक्ष एजेन्सी इसरोकाअनुसार बिहान १० बजे गरिएको परीक्षण उडान सफल भएको हो । इसरो प्रमुख एस. सोमनाथले मानव मिशन अन्तरिक्षमा पठाउने योजनामा यो एक कदम भएको बताएका छन् ।

भारत पहिलो पटक अन्तरिक्षमा मानवसहितको यान पठाउने तयारीमा रहेकाे छ । र, त्यसको लागि गरिएको परीक्षण उडान पनि यो पहिलो हो ।

सोमनाथकाअनुसार टेस्ट भेहिकल, क्रु इस्केप सिस्टम र क्रु मोड्युलको सफलतापूर्वक परीक्षण उडान गरिएको छ ।