काठमाडाैं, कार्तिक १५ ।
हृदयघातका कारण ३५ वर्षीया दक्षिण भारतीय अभिनेत्री प्रियाको मृत्यु भएको छ । ८ महिनाकी गर्भवतीसमेत रहेकी उनको मंगलबार मृत्यु भएको हो ।

अभिनेता किशोर सत्यले आफ्नो सामाजिक सञ्जालमार्फत् प्रियाको मृत्यु भएको जानकारी दिएका हुन् ।

उनले लेखेका छन् ‘मलयालम टेलिभिजन क्षेत्रमा एक अप्रत्याशित मृत्यु । प्रियाको हिजो हृदयघातका कारण निधन भएको छ । उनी ८ महिनाकी गर्भवती थिइन् । बच्चा आईसीयुमा राखिएको छ । उनलाई अन्य स्वास्थ्य समस्याहरू थिएन ।’