काठमाडाैं, मंसिर ४ ।
आईसीसी क्रिकेट विश्वकप २०२३ को उपाधि अष्ट्रेलियाले जितेको छ । नरेन्द्र मोदी अन्तर्राष्ट्रिय क्रिकेट रंगशालामा भारतलाई ६ विकेटले पराजित गर्दै अष्ट्रेलिया विश्वविजेता बनेको हो ।

अहमदाबादमा भएको फाइनल भिडन्तमा भारतले २४० रन बनाएको थियो । अष्ट्रेलियाले ट्राविस हेडको १३७ रन र मानर्स लाबुशेनको अविजित ५८ रनको मदतमा ४३ ओभरमा ४ विकेट गुमाएर २४१ रन बनायो ।

अष्ट्रेलियाको जितमा ओपनर हेडले १३७ रन बनाए । एक दिवसीय अन्तर्राष्ट्रिय क्रिकेटमा हेडको यो पाँचौँ शतक हो । ४७–३ को नाजुक अवस्थामा रहँदा हेडले मानुर्स लाबुसचेज्नसँग चौथो विकेटका लागि १९२ रनको साझेदारी गर्दै अष्ट्रेलियालाई जिततर्फ अग्रसर गराएका थिए ।

लाबुसचेज्नले अविजित ११० बलमा चार चौकासहित ५८ रन थपे । त्यसअघि अष्ट्रेलियाले ओपनर डेविड वार्नरलाई सात, स्टिम स्मिथलाई चार र मिचेल मार्सलाई १५ रनको व्यक्तिगत स्कोरमा गुमाएको थियो । ग्लेन म्याक्सवेल दुई रनमा अविजित रहे ।

प्रतियोगितामा भारत लगातार १० खेल जितेर फाइनलमा हारेको छ भने अष्ट्रेलियाले सुरुवाती दुई खेलमा हार व्यहोरेको थियो । समूह चरणमा भारतसँग हारेकाे अष्ट्रेलियाले फाइनलमा उसकै भूमिमा हराउँदै उपाधि उचालेको हो ।

प्रतियोगितामा भारत लगातार १० खेल जितेर फाइनलमा हारेको छ भने अष्ट्रेलियाले सुरुवाती दुई खेलमा हार व्यहोरेको थियो । समूह चरणमा भारतसँग हारेकाे अष्ट्रेलियाले फाइनलमा उसकै भूमिमा हराउँदै उपाधि उचालेको हो । अष्ट्रेलियाले आठौँ पटक विश्वकपको फाइनल खेलेको हो भने उसले पाँच पटक ट्रफी जितेको थियो ।

भारतले चौथो पटक विश्वकपको फाइनल खेलेको हो । भारत दुई पटक च्याम्पियन बन्दा एक पटक सन् २००३ मा उपविजेतामै चित्त बुझाउनु परेको थियो ।

सन् २००३ को एक दिवसीय क्रिकेट विश्वकपको फाइनलमा भारत र अष्ट्रेलियाबीच प्रतिस्पर्धा भएको थियो । मार्चको २३ तारिखमा दक्षिण अफ्रिकाको जोहानेसवर्गमा भएको उपाधि भिडन्तमा टस जितेको भारतले फिल्डिङ रोजेपछि पहिले ब्याटिङ गर्दै अष्ट्रेलियाले २ विकेटको क्षतिमा ३५९ रनको विशाल योगफल तयार गरेको थियो ।

अष्ट्रेलियाका लागि कप्तान रिकी पोन्टिङले नटआउट १४० रन जोडेका थिए । ३६० रनको लक्ष्य पछ्याएको भारत ३९.२ ओभरमा २३४ रनमै अलआउट हुँदा १२५ रनको फराकिलो अन्तरले पराजित भएको थियो ।

अष्ट्रेलियाले त्यसयता २००७ को फाइनलमा श्रीलंका र २०१५ को फाइनलमा न्युजिल्याण्डलाई हराएर विश्वकपमा पाँच पटक च्याम्पियन बन्ने इतिहास लेखायो ।
भारतले भने सन् २०११ मा घरेलु मैदानमा भएको उपाधि भिडन्तमा श्रीलंकालाई हराएर दोश्राे उपाधि जित्यो ।

सन् २००३ पछि भारत र अष्ट्रेलिया पहिलो पटक उपाधिका लागि एक अर्कासँग भिडेका हुन् ।