म आमा ! नेपाल आमा !!
– खेमबहादुर बुढाथाेकी “शिशिर”
यो सृष्टिको उत्पत्ति कालदेखि आजसम्म
कहिल्यै नझुकेका शिर
आज झुकाउन बाध्य छु,
त्यो पनि
आफ्नै सन्तानको कारण ।
आफ्नै सन्तानको कारण ।
म संसारकै सुन्दर आमा
सुन्दर र अति शान्त हुनाले
विश्व जगत् मलाई स्वर्गको अप्सरा मान्छन्
मेरै सुन्दरताको चौतर्फी बयान गर्छन्
कोही कोही धुर्तहरू ममाथि गिद्धे नजर लाउँछन्
र, म माथि अन्याय, अत्याचार लाडेर
निकृष्ट सोचाइ राखेर
मेरो इज्जत लुट्न खोज्छन् !!
तर… मेरा सन्तानहरू
रमिते बनेर ट्वाल्ल परेर मात्र हेरिरहेछन्
प्रतिकारको सट्टा
उल्टै नालायक बनेर
लोभ लालाचमा परी आँखा चिम्लिदिन्छन्
अनि बार-बार आफ्नै भाई-भाईमा
भिडन्त गर्छन्, लड्छन् र त्यसै मर्छन् !!!
मलाई थाहा छ । सब थाहा छ ।
मैले कैयौँ वीर सपुतहरू पनि
जन्माएको थिए
जसको कारणले मेरो शिर
अटल साथ ठडिएको थियो
तिनै सपुतका कारण, मै हुँ भन्ने सम्राटले पनि
बक्र दृष्टि लगाउन सकेनन्
हो ! तिनैका कारण सुन्दर स्वर्गको अप्सरा उपनाम रह्याे !!!!
तर … आज
मलाई माया गर्ने, मेरो रक्षा गर्ने
त्यस्तो कुनै वीर सपुत जन्माउन सकिनँ
जति जन्मे धुर्त, मुर्ख कुपुतहरू मात्रै जन्मे
भाईमारा, हत्यारा कुलंगार जन्मे
घुस्याहा, भुस्याहा र भ्रष्टहरू जन्मे
आफ्नै आमालाई बेच्न खोज्ने
दानवहरू जन्मे !!!!!
मैले मेरो सन्तानाई केही कुरामा कमी गरिन्
सबथोक दिए, ज्ञान दिए, धन दिए
धर्म अनि संस्कार सिकाए
तर बिडम्बना… आज मेरो सन्तान
मेरै चित्कार सुन्दैनन्, छट्पटी बुझ्दैनन्
एकोहोरो कसैको ईशारामा नाचिरहेछन्
आमाको छातीमा लात मारिरहेछन्
म आमा ! नेपाल आमा !!
आज लाज ढाकी, शिर निहुँराई
पलपल रोइरहकी छु…
रोइरहेकी छु…
हाल उहाँ ‘देश निर्माण युवा समाज नेपाल’ नामक सामाजिक संस्थाका अध्यक्ष हुनुहुन्छ ।
हाल उहाँ ‘देश निर्माण युवा समाज नेपाल’ नामक सामाजिक संस्थाका अध्यक्ष हुनुहुन्छ ।
प्रतिक्रिया
ताजा खबर
Moreकान्तिपुर मिडिया ग्रुपका अध्यक्ष कैलाश सिराेहिया कार्यालय कक्षबाटै पक्राउ, हाल धनुषामा
काठमाडाैं, जेठ ८ । कान्तिपुर मिडिया ग्रुपका अध्यक्ष कैलाश प्रसाद सिराेहियालाई प्रहरी पक्राउ.....
शिक्षामन्त्री सुमना श्रेष्ठकाे सम्पत्ति, ६ कराेडभन्दा बढी नगद, हिराकाे हार १ सेट, ११ ताेला सुन र १०० ताेला चाँदी
काठमाडाैं, जेठ ८ । माननीय शिक्षा.....
लागू औषध मुद्दामा कारागारमा रहेका कैदीको मृत्यु
काठमाडाैं, जेठ ८ । मोरङ कारागारमा.....
चीनकाे एक काेइला खानीमा विष्फाेट, पाँच जनाकाे मृत्यु
एजेन्सी, जेठ ८ । उत्तरपूर्वी चीनको.....
कान्तिपुरका अध्यक्ष कैलाश सिरोहियालाई पक्राउ गर्न अदालतको अनुमति
काठमाडाैं, जेठ ८ । कान्तिपुर मिडिया.....