काठमाडाैं, पाैष ६ ।
राष्ट्रिय फुटबल टिमका गोलरक्षक विशाल श्रेष्ठले राष्ट्रिय टिमबाट सन्यासको घोषणा गरेका छन् ।

नेपाल सुपर लिग एनएसएलमा चितवनबाट खेलेका उनले झापासँगको खेलपछि पत्रकारसँग बोल्दै सन्यासको घोषणा गरेका हुन् । उनले साफ च्याम्पियनशीपपछि नै सन्यासको बारेमा सोचेको तर अहिले सही समय भएकाले सन्यास घोषणा गरेको बताए ।

एक दशकपछि उनले २०७८ सालको भाद्रमा दशरथ रंगशालामा घरेलु समर्थक माझ राष्ट्रिय फुटबल टिमका लागि डेब्यु गरेका थिए ।

बारम्बार घरेलु फुटबलको शीर्ष लिग जितिसकेका अनि लिगको उत्कृष्ट गोलकिपर बनेका विशालले नियमित जसो राष्ट्रिय टिममा परे पनि खेल्न भने पाउने गरेका थिएनन् ।