ललितपुर, जेठ ८ ।
वर्षा, अन्न र सहकालको देवताको रूपमा प्रख्यात नेपालकै सबैभन्दा लामो जात्रा रातो मच्छिन्द्रनाथको रथ आज लगनखेलको इति टोलबाट साँझ साढे ४ बजे तानेर जावलाखेल पुर्‍याइएको छ ।

जावलाखेल पुगेको चार दिनपछि अर्थात यहीँ आउँदो बिहीबार भोटो जात्रा देखाइन्छ । सो दिन काठमाडौं उपत्यकामा सार्वजनिक बिदासमेत दिने गरिन्छ । सो भोटो जात्रामा राष्ट्रपति विद्यादेवी भण्डारी, प्रधानमन्त्री पुष्पकमल दाहाललगायत उपस्थिति रहने छ । र, सोही दिन रातो मच्छिन्द्रनाथको देवतालाई खतमा राखेर बुङ्गमति पुर्‍याइन्छ । योसँगै रातो मच्छिन्द्रनाथको जात्रा समापन हुने गर्छ ।

यसैगरी, मीननाथको रथलाई भोटो जात्रापछि तानेर ललितपुरको टंगलमा पुर्‍याइन्छ भने रातो मच्छिन्द्रनाथको रथ तानेको समयमा जीवित देवी कुमारीको पनि अनिवार्य उपस्थिति रहन्छ ।