काठमाडाैं, चैत्र ८ ।
सन नेपाल लाइफ इन्स्योरेन्स कम्पनी लिमिटेडको सहायक कम्पनी सनलाइफ क्यापिटल लिमिटेडले विश्व वित्तीय सप्ताह २०२४ (Global Money Week 2024) को अवसरमा बालबालिका र युवाहरूमा वित्तीय साक्षरता अभिवृद्धि गर्ने मूल उद्देश्यले यही चैत्र ७ र ८ गते क्रमशः श्री चण्डी आदर्श सरल माध्यामिक विद्यालय, चाकुपाट, ललितपुर र श्री मल्पि इन्टरनेशनल कलेज, चक्रपथ, काठमाडाैंमा वित्तीय साक्षरता कार्यक्रम सम्पन्न गरेको छ ।

चैत्र ७ गते श्री चण्डी आदर्श सरल माध्यामिक विद्यालय, चाकुपाट, ललितपुरमा आयोजना गरिएको कार्यक्रममा कक्षा ११ र १२ का विद्यार्थीहरूलाई वित्तीय बजार, धितोपत्र बजारसम्बन्धी जानकारी गराउनुको साथै लगानी गर्दा ध्यान दिनुपर्ने कुराहरू, इन्टरनेटलगायत अन्य सामाजिक सञ्जालको प्रयोग गर्दा अपनाउनुपर्ने सतर्कताबारे विस्तृत जानकारी गराइएकाे थियाे । साथै सहभागी विद्यार्थीहरूको वित्तीय बजार र धितोपत्र बजारसम्बन्धी सम्पूर्ण जिज्ञासाहरू स्पष्ट पारिएकाे थियाे ।

यसैगरी, चैत्र ८ गते श्री मल्पि इन्टरनेशनल कलेज, चक्रपथ, काठमाडाैंमा BBA 8th सेमेष्टरका विद्यार्थीहरूलाई बीमा क्षेत्रसम्बन्धी साक्षरता अभिवृद्धि गर्ने साक्षरता कार्यक्रम र वित्तीय बजार, धितोपत्र बजारमा केन्द्रित हाजिरी जवाफ प्रतियोगिता “QuickQuizMania-Global Moneyweek2024” आयोजना गरियो जसमा विद्यार्थीहरूको उत्साहजनक सहभागिता रहेको थियो ।

सनलाइफ क्यापिटल लिमिटेड धितोपत्र बोर्डबाट स्वीकृति प्राप्त मर्चेन्ट बैंकर हो जसले मर्चेन्ट बैंकिङ्ग व्यावसायअन्तर्गत लगानी व्यवस्थापन र धितोपत्र प्रत्याभूति सेवा प्रदान गर्दै आइरहेको कम्पनीले एक प्रेस विज्ञप्ति जारी गरी जनाएकाे छ ।