नक्कली भुटानी शरणार्थी प्रकरण : सर्वाेच्चद्वारा रायमाझीलाई धराैटीमा छाड्न अस्वीकार
काठमाडाैं, बैशाख १३ ।
नक्कली भुटानी शरणार्थी प्रकरणमा सर्वोच्च अदालतले एमालेका नेता टोपबहादुर रायमाझीलाई धरौटीमा छाड्न अस्वीकार गरेको छ ।
न्यायाधीशहरू कुमार रेग्मी र टेकप्रसाद ढुंगानाको संयुक्त इजलासले रायमाझीलाई धरौटीमा रिहा गर्न अस्वीकार गरेको हो । सर्वोच्चले यसअघिका जिल्ला र उच्च अदालतले गरेको आदेश सदर गरेको हो ।
यो प्रकरणमा उनका छोरा सन्दीप रायमाझी भने यसअघि नै धरौटीमा रिहा भइसकेका छन् ।
यसैबीच, थुनामा पठाइएकाहरूमा पूर्वमन्त्री टोपबहादुर रायमाझी, सचिव टेकनारायण पाण्डे, तत्कालीन गृहमन्त्रीका सल्लाहकार ईन्द्रजित राई, केशव दुलाल, सन्देश शर्मा, सागर राई र सानु भण्डारी रहेका छन् । तर। आङटावा शेर्पा र गोविन्द कुमार चौधरीको हकमा भने सर्वोच्चले उच्चको फैसला बदर गर्दै उनीहरूलाई धरौटीमा छाड्न आदेश दिएको छ । आङटावा शेर्पासँग ३० लाख र गोविन्द कुमार चौधरीसँग १० लाख रुपैयाँ धरौटी माग गरिएको छ ।
यस्तै, हज कमिटीका अध्यक्ष शमशेर मियाँलाई साधारण तारेखमा छाड्न पनि सर्वोच्चले आदेश दिएको छ । गत मंसिर १५ गते उच्च अदातलत पाटनले जिल्ला अदालत काठमाडौंको फैसला सदर गर्दै उनीहरू १० जनालाई थुनामा पठाउने आदेश गरेको थियो ।
उच्च अदालतको फैसलाविरुद्ध उनीहरू गत फागुन ८ गते सर्वोच्च गएका थिए ।
प्रतिक्रिया