काठमाडाैं, बैशाख १६ ।
भोजपुरी अभिनेत्री अमृता पाण्डे मृत अवस्थामा फेला परेकी छन् ।

भारतीय सञ्चारमाध्यमकाअनुसार शनिबार आदमपुर घाटस्थित दिव्यधाम अपार्टमेन्टमा उनी मृत अवस्थामा फेला परेकी हुन् ।

उनी केही सयमदेखि डिप्रेशनमा रहेकी थिइन् । फिल्म निर्माता-निर्देशक चन्द्रमणिसँगको वैवाहिक सम्बन्धमा खटपट भएपछि उनी डिप्रेशनमा गएकी थिइन् ।

पुलिसले गरेको सुरुवाती जाँचअनुसार उनले आत्महत्या गरेको खुलेको दैनिक जागरणले उल्लेख गरेकाे छ ।

अमृताले मुम्बईमा चिन्तामणिसँग लिभ इन रिलेशनशिपमा बसेपछि कानूनी विवाह गरेकी थिइन् ।

तर, केही समयपछि नै उनीहरूको सम्बन्धमा खटपट सुरु भएको थियो । अमृताको करियरको कुरा गर्ने हो भने उनले अभिनेता खेसरीलाल यादवको फिल्म ‘दीवानापन’बाट अभिनयमा डेब्यू गरेकी थिइन् ।

यो भोजपुरी फिल्ममा दुबैको केमेस्ट्री दर्शकहरूले निकै रुचाइएको थियो ।