काठमाडाैं, बैशाख २२ ।
घरेलु टोली नेपालले वेस्ट इन्डिज ‘ए’ विरुद्धको ट्वान्टी-२० शृङ्खलाको पाँचौँ तथा अन्तिम खेलमा सानदार जित हात पार्न सफल भएकाे छ । आज शनिबार भएको खेलमा नेपालले वेस्ट इन्डिज ‘ए’ माथि ६ विकेटको जित दर्ता गरेको हो । हुन त योसँगै शृङ्खलामा वेस्ट इन्डिज ३-२ ले जित दर्ता गरेको छ । तर, नेपालले आईसीसी टी-२० विश्वकप अघि घरेलु मैदानमा सानदार फिनिसिङ गरेको हो ।

यसअघि टस जितेर ब्याटिङ रोजेको वेस्ट इन्डिज ‘ए’ले निर्धारित २० ओभरमा ७ विकेट गुमाउँदै १ सय ७२ रन जोडेको थियाे । वेस्ट इन्डिज ‘ए’का लागि कुनै पनि खेलाडीले ठूलाे इनिङ खेलेनन् तर, लक्ष्य भने प्रतिस्पर्धात्मक नै दिएको हो । वेस्ट इन्डिज ‘ए’का लागि एलिक एथेनाजेले सर्वाधिक ४२ रन जोडे । २९ बलमा उनले १ चौका र ३ छक्का प्रहार गरेर अविजित रहे ।

कप्तान रोष्टन चेज ३३ रनमा क्याच आउट भए । साथै ओपनर जोन्सन चाल्र्स २४ रन, म्याथु फोर्डेले २३ रन बनाउँदा कादिम एलीने र मार्क देयालले समान ११ रन जोडे ।

बलिङतर्फ नेपालका सोमपाल कामी र सागर ढकालले समान ३/३ विकेट लिए । अविनाश बोहराकाे नाममा एक विकेट रह्याे ।

यसअघि, भएको पहिलो खेलमा नेपालले वेस्ट इन्डिजमाथि चार विकेटको जित निकालेको थियो भने त्यसयता लगातार तीन खेलमा नेपाल पराजित भएको थियाे । वेष्ट इन्डिजले नेपाललाई दोश्राे खेलमा १० रनले, तेश्राे खेलमा ७६ रनले र चौथो खेलमा २८ रनले पराजित गरेको थियो ।