सिटी एक्सप्रेसको आयोजनामा यूएईमा “उत्सव र उमङ्ग, सिटी एक्स्प्रेससँग” कार्यक्रम हुँदै

प्रकाशित मिति: ३१ बैशाख २०८१, सोमबार १३:१३


काठमाडाैं, बैशाख ३१ ।
सिटी एक्सप्रेस मनी ट्रान्सफरले यही आउँदो मे १९ तारिखमा यूएईस्थित बरदुबईको एसके सेभेन क्लबमा साँगितीक कार्यक्रम आयोजना गर्ने भएको छ ।

उक्त कार्यक्रममा नेपालका प्रसिद्ध कलाकारहरूले आफ्नो प्रस्तुती दिने छन् । चर्चित हाँस्य कलाकार तथा सिटी एक्स्प्रेस मनी ट्रान्सफरका ब्राण्ड एम्बेस्डर जितु नेपाल, चर्चित आधुनिक गायिका मिलन नेवार, लोकप्रिय लोक दोहोरी गायक खेम सेञ्चुरी, गायिका शान्ती श्री परियार र कलाकार अञ्जली अधिकारीले विशेष प्रस्तुती दिने भएका छन् ।

सिटी एक्सप्रेस मनी ट्रान्सफरको सेवा प्रयोग गरेर यूएईबाट थुप्रै नेपालीहरूले आफ्नो घर परिवारमा सुरक्षित तरिकाले आफ्नो दु:खको कमाइ पठाउन सकिरहेका छन् । आफ्नो ग्राहकवर्ग तथा यूएईस्थित सम्पूर्ण नेपालीहरूलाई मनोरञ्जन दिलाउने हेतुले यो कार्यक्रम आयोजना हुन लागेको सिटी एक्सप्रेस मनी ट्रान्सफरले जानकारी दिएको छ ।

सिटी एक्सप्रेस मनी ट्रान्सफरले रेमिटान्स क्षेत्रमा आफ्नो छुट्टै पहिचान बनाउँदै विगत १७ वर्षदेखि संसारभरबाट विप्रेषण सेवा प्रदान गर्दै आइरहेको छ । हालै सिटी एक्सप्रेस मनी ट्रान्सफरले सिटी पे वालेटमार्फत् अनलाइन भुक्तानीको सेवासमेत सुचारु गरिसकेको कम्पनीले एक प्रेस विज्ञप्ति जारी गरी जनाएको छ ।


प्रतिक्रिया

ताजा खबर

More