काठमाडाैं, जेठ १ ।
इतिहासकार ज्ञानमणि नेपालको आज मंगलबार ९१ वर्षकाे उमेरमा निधन भएको छ । इतिहासकार नेपालकाे उपचारका क्रममा त्रिभुवन विश्वविद्यालय शिक्षण अस्पताल महाराजगञ्जमा निधन भएको पारिवारिक श्राेतले जनाएको छ ।

उनलाई १० दिनअघि मात्र त्रिवि शिक्षण अस्पताल भर्ना गरिएको थियो । नयराज पन्तका शिष्यसमेत रहेका ज्ञानमणि नेपालको ‘नेपालकाे महाभारत’ चर्चित पुस्तक मध्ये एक हो ।

त्यसैगरी, ‘नेपाल निरुक्त’, ‘यात्रा त्रयी’, ‘नेपाल निरुपण’, ‘नेपाल-भोटचीन सम्बन्धनका केही साँस्कृतिक पक्ष’ पनि नेपालले लेखेका उल्लेखनीय पुस्तक मध्ये पर्छ । स्वर्गीय नेपाल नेपाली इतिहास लेखनको खोज र अनुसन्धानमा अग्रणी व्यक्तित्वकाे रूपमा पनि लिइन्छ । स्वर्गीय नेपालका दुई छोरा रहेका छन् ।