काठमाडौं, माघ २१ ।
प्रमुख प्रतिपक्षी दल नेकपा (एमाले)का वरिष्ठ नेता एवं पूर्वप्रधानमन्त्री झलनाथ खनालले वर्तमान सरकारले ढिलै भए पनि एउटा राम्रो काम गर्नतिर अघि बढेकाले एमाले पार्टीले पूर्ण रूपमा समर्थन गर्ने बताएका छन् । एमालेले चुनावको लागि पुष्पकमल दाहाल नेतृत्वको सरकारलाई सहयोग गर्नेसमेत बताए ।

बिहीबार बसेको मन्त्रिपरिषद्को बैठकले स्थानीय तहको चुनाव घोषणा गर्ने तयारी गरेको सरकारलाई एमालेले कुनै हालतमा पनि सहयोग गर्ने उनले बताएका हुन् ।

आज सञ्चारकर्मीसँग कुराकानी गर्दै नेता खनालले सरकारले ढिलै भए पनि एउटा राम्रो काम गरेको र चुनावका लागि वातावरण बनाएको बताउँदै यतिबेला राष्ट्रको मूल एजेण्डा चुनाव र संविधान कार्यान्वयन भएको उनले बताए । एमालेले चुनावका विषयमा सरकारलाई सहयोग गर्न तयार रहेको उनको भनाई थियो ।

उनले संविधान संशोधन भने अहिले हुन नसक्ने दोहो¥याउँदै अहिले संशोधनभन्दा पनि कार्यान्वयनमा जोड दिनुपर्ने उनको भनाई थियो ।

‘अहिले संविधानको कार्यान्वयन गर्ने समय हो’ नेता खनालले भने ‘सविधान कार्यान्वयन गर्न छाडेर अरू काममा लाग्नु हुँदैन ।’ सरकारले पेश गरेको सविधान संशोधन प्रस्तावले राष्ट्रलाई हिंसा, झगडा र अशान्ततिर धकेलेको उनले बताए ।

‘पहिले चुनाव सकौँ त्यसपछि संविधान संशोधनतिर लाग्नुपर्छ । जुन पायो त्यही बेला जे विषयमा पनि संशोधन गर्न खोजेर हुन्न’ उनले भने, ‘समय आएपछि संविधान संशोधन हुन्छ ।’