एजेन्सी, जेठ १० ।
एक १८ वर्षीय अस्ट्रियन युवतीले घर, कार किन्न र आफ्नो पढाइ खर्चका लागि आफ्नो कुमारित्व बेच्न व्यावसायिक अनलाइनमार्फत घोषणाका साथ विज्ञापन दिएकी छन् ।

अन्तर्राष्ट्रिय संचारमाध्यमकाअनुसार जर्मन र अस्ट्रियन दम्पत्तीकी छोरी किम नाम गरेकी युवतीले आफ्नो कुमारित्वको प्रारम्भिक मूल्य ८६ हजार ६ सय ४० पाउन्ड (एक लाख युरो) राखेकी छन् । सबैभन्दा बढी मूल्य दिनेलाई आफूले कुमारित्व बेच्ने उनले जनाएकी छन् ।

युवतीले आफू पूर्णतया कुमारी रहेको दाबी गर्दै चिकित्सकीय प्रमाणपत्र रहेको बताएकी छन् । यद्यपि विश्वास नलागेको खण्डमा कुमारित्व खरिद गर्नेले आफ्नो कुमारित्व परीक्षण गराउन सक्ने पनि उनले बताएकी छन् ।

कुमारित्व बेचेको रकमको २० प्रतिशत भने उनले मध्यस्तकर्ता व्यावसायिक कम्पनीलाई दिने शर्त राखिएको छ ।

उनी जर्मनी वा अस्ट्रियाको भियनामा अध्ययन गर्न चाहन्छिन् । उनले कुमारित्व खरिद गर्ने व्यक्ति जुनसुकै देशको नागरिक भए पनि आफूलाई स्वीकार्य भएको बताउँदै सम्झौताबमोजिम आफू जहाँ गएर पनि कुमारित्व तोड्न तयार रहेको बताएकी छन् । तर त्यसका लागि यात्रा खर्च भने खरिदकर्ताले नै व्यहोर्नुपर्ने युवतीको शर्त छ ।