एजेन्सी, जेठ २४ ।
अमेरिकाको अलाबामा राज्यको मोन्टगोमेरी काउन्टीमा गोली चल्दा कम्तीमा पनि तीन जनाको मृत्यु भएको छ । मोन्टगोमेरीको एउटा सानो किराना पसलमा गोली प्रहार गरी तीन जनाको हत्या गरिएको सीएनएनले जनाएको छ ।

शहरको दक्षिणपट्टि रहेको किराना पसल टिन्डा लस हर्मानोसमा गोली हानाहान भएको थियो । गत मंगलबार प्रहरी प्रमुख साबा कोलम्यानकाअनुसार बेलुका ९ बजेभन्दा केही समय अगाडि गोली चलेको प्रहरीलाई खबर गरिएको थियो ।

एबीसी न्यूजकाअनुसार दुई जनाको घटनास्थलमै मृत्यु भएको थियो भने तेश्राे व्यक्तिलाई अस्पताल लगिएको थियो । अस्पताल पुगेपछि उनलाई मृत घोषित गरिएको थियो । गोली प्रहारबाट मृत्यु हुनेमा ५० वर्षीय जर्ज एलिजा जुनियर, २० वर्षीय ड्यानियल लोपेज तथा ४३ वर्षीय रोमेरो लोपेज रहेका छन् ।