काठमाडाैं, जेठ २८ ।
क्रिकेटर सन्दीप लामिछाने आइसीसी टी-२० विश्वकप क्रिकेट प्रतियोगिता खेल्न वेष्ट इण्डिज प्रस्थान गरेका छन् ।

भिसा नदिएपछि अमेरिका जान नपाएका सन्दीप वेष्ट इण्डिजमा हुने दुई वटा खेलका लागि त्यता प्रस्थान गरेका नेपाल क्रिकेट संघ क्यानले जनाएको छ । उनी नेपाली टोलीबाट मैदानमा उत्रिने छन् ।

नेपालले वेष्ट इण्डिजमा दक्षिण अफ्रिका र बंगलादेशसँग प्रतिस्पर्धा गर्ने तालिका रहेको छ । दुबै खेलमा सन्दीपले सहभागिता जनाउने क्यानका सचिव पारस खड्काले जारी गरेकाे विज्ञप्तिमा उल्लेख गरिएको छ ।

बलात्कार मुद्दामा उच्च अदालत पाटनले सफाई दिएसँगै क्यानले सन्दीपलाई विश्वकप खेल्ने आधिकारिक १५ जनाको टोलीमा समावेश गरेकाे हो ।