एजेन्सी, असार ९ ।
जापानको फुकुशिमाको तटीय क्षेत्रमा आइतबार ४ दशमलव ९ रेक्टर स्केलको भूकम्प गएको छ ।

जापानको मौसम विज्ञान एजेन्सी (जेएमए) काअनुसार भूकम्पको केन्द्रबिन्दु फुकुशिमा प्रान्तको तटीय क्षेत्रमा करिब ५० किलोमिटर गहिराईमा रहेको थियो ।

भूकम्पका कारण कुनै मानवीय क्षति वा भौतिक क्षतिको विवरण प्राप्त नभइसकेकाे त्यहाँका सञ्चार माध्यमले जनाएका छन् ।

जापान चार टेक्टोनिक प्लेटहरूको मिलन बिन्दुमा अवस्थित रहेकाे छ, जसले यसलाई विशेष गरी भूकम्पीय गतिविधिको लागि संवेदनशील बनाएको छ ।

यो १०० सक्रिय ज्वालामुखीहरूको घर पनि रहेकाे छ । सन् २०११ मा जापानमा ९ दशमलव शून्य रेक्टर स्केलकाे भूकम्प गएको थियो र सुनामीसमेत गएकाे थियो । साे भूकम्पका कारण १५ हजारभन्दा बढी मानिसको मृत्यु भएको थियो भने फुकुशिमा आणविक केन्द्रमा विपत्तिसमेत निम्तिएकाे थियाे ।