काठमाडाैं, असार १० ।
वागमती प्रदेशमा सबैभन्दा धेरै डेंगु सङ्क्रमित देखिएका छन् । देशभर ७७ जिल्लामध्ये ७२ जिल्लामा डेंगु फैलिएकामा सबैभन्दा बढी वागमती प्रदेशमा सङ्क्रमित पुष्टि भएको हो ।

इपिडिमियोलोजी तथा रोग नियन्त्रण महाशाखा (ईडीसीडी) काअनुसार सन् २०२४ को जनवरीदेखि जुन २३ सम्मको अवधिमा देशभर १२ सय ६८ जनामा डेंगु देखिएकामा वागमती प्रदेशमा मात्रै ४ सय ४२ जना सङ्क्रमित रहेका छन् ।

ईडीसीडीको पछिल्लो तथ्यांकअनुसार कोशी प्रदेशमा २ सय ९० जनामा डेंगु पुष्टि भएको छ । यस्तै, मधेश प्रदेशमा ३४ जना, गण्डकी प्रदेशमा १ सय ९० जना, लुम्बिनीमा १ सय ५१ जना र कर्णाली प्रदेशमा १९ जनामा डेंगु सङ्क्रमण पुष्टि भएको छ । यस्तै, सुदूरपश्चिममा १ सय ४२ जनामा डेंगु पुष्टि भएको छ ।