काठमाडाैं, असार ११ ।
नेपाल राष्ट्र बैंकबाट ‘क’ वर्गकाे इजाजत पत्र प्राप्त संस्था प्रभु बैंक लिमिटेडका कर्मचारीहरूलाई लक्षित गर्दै ललितपुरकाे हरिसिद्धिमा रहेकाे नेपाल क्यान्सर हस्पिटल एण्ड रिसर्च सेन्टरबीच विभिन्न सेवा सुविधामा विशेष छुट दिनेसम्बन्धी सम्झौता भएको छ ।

एक समारोहकाबीच सम्पन्न सम्झौतामा प्रभु बैंकका तर्फबाट वागमती प्रदेश-३ का प्रमुख राजु के.सी. र शाखा प्रबन्धक अमित बज्राचार्यले संयुक्त रूपमा सम्झाैता पत्रमा हस्ताक्षर गरेका हुन् ।

उक्त सम्झौताअनुसार प्रभु बैंकका कर्मचारीहरूले कर्मचारी मान्य परिचय पत्रको आधारमा नेपाल क्यान्सर हस्पिटल एण्ड रिसर्च सेन्टरको विभिन्न सेवा सुविधाहरूमा विशेष छुट प्राप्त गर्न सक्ने बैंकले जनाएको छ ।

साे समारोहमा विशेष गरी महिला कर्मचारीहरूलाई लक्षित गरी स्तन र पाठेघरसम्बन्धी क्यान्सरबारे जानकारी गराइएको थियो । स्तनसम्बन्धी क्यान्सरका डा. प्रफुल्ल शाक्य र पाठेघरसम्बन्धी क्यान्सरकी डा. अनु बज्राचार्यले चेतनामूलक सन्देश प्रस्तुत गरेकी थिइन् भने सोही समारोहमा उल्लेखनीय महिला कर्मचारीहरूको सहभागिता समेत रहेको थियो ।

ग्राहकहरूको रोजाईको अग्रणी बैंकको रूपमा रहेको तथा हालसालै “बैंक अफ द इयर-२०२३” को उपाधीबाट सम्मानित प्रभु बैंकका नेपालभर ३ सय ७ वटा शाखा कार्यालयहरू, २ सय ८६ वटा एटीएमका साथै ७० वटा एक्सटेन्सन काउण्टरमार्फत् करिब ३१ लाखभन्दा बढी ग्राहकहरूलाई ‘विश्वास लिन्छौँ, विश्वास दिन्छौँ’ भन्ने मूल नाराका साथमा बैंकिङ्ग एवं वित्तीय सेवा प्रवाह गरिरहेको प्रभु बैंकले अत्याधुनिक प्रविधिमार्फत् गुणस्तरीय सेवा प्रवाह गर्दै प्रतिस्पर्धीकाे रूपमा अगाडि बढिरहेको छ साथै प्रभु बैंक, छोटो समयको अन्तरालमा नै फिनाकल ईन्फोसिस ईनोभेशन गोल्ड-२०२४ अवार्डबाट पनि सम्मानित भइसकेकाे बैंकले एक प्रेस विज्ञप्ति जारी गरी जनाएकाे छ ।