काठमाडाैं, असार १५ ।
चर्चित हाँस्यव्यंगले भरीपूर्ण मनाेरञ्जन प्रदान गर्दै आइरहेकाे कमेडी च्याम्पियन सिजन-३ का विजेता काठमाडाैंका सुनिल खड्का बन्न सफल भएका छन् । आज शनिबार भएको ग्राण्ड फिनालेमा काठमाडौंका २६ वर्षीय खड्का विजेता हुन सफल भएका हुन् ।

उनले सुनसरीका २९ वर्षीय ऋषभ काफ्ले र नवलपरासीका १२ वर्षीया सुयशा खनाललाई पछि पार्दै साे उपाधी जित्न सफल भएका हुन् ।

यसैबीच, साे कार्यक्रममा हालसम्मकै सबैभन्दा कान्छी प्रतियाेगी र बढी माया पाएकी सुयशा खनाल सेकेण्ड रनर-अप भएकी छन् भने ऋषभ काफ्ले फस्ट रनर-अप बनेका छन् । विजेता खड्काले कारसहित नगद रु. २५ लाख पुरस्कार हात पार्न सफल भएका छन् ।