काठमाडाैं, असार २७ ।
सिटी एक्सप्रेस मनी ट्रान्सफरले आज बिहीबार असार २७ गते १७ वसन्त पार गरेर १८ औँ वर्षमा प्रवेश गरेको छ । यही १८ औँ वार्षिकोत्सवको अवसरमा केन्द्रीय कार्यालयकाे प्राङ्गडमा रक्तदान कार्यक्रमको आयोजना गरेको थियो ।

सिटी एक्सप्रेस मनी ट्रान्सफरद्वारा आयोजित कार्यक्रममा मुख्य अभिप्राय “रक्तदान गर्नुहोस् , जीवन दान दिनुहोस्” भन्ने मूल नाराका साथमा आफ्नो संस्थागत सामाजिक उत्तरदायित्वअन्तर्गत खुला रक्तदान कार्यक्रमको आयोजना गरिएको थियो । सिटी एक्सप्रेसको कमलादीस्थित आफ्नै मुख्य कार्यलयमा उल्लेख्य सहभागिताका साथमा रक्तदान कार्यक्रम सम्पन्न गरिएकाे हाे । उक्त कार्यक्रममा सिटी एक्सप्रेसका ब्राण्ड एम्बेसडर तथा चर्चित हाँश्य कलाकार जितु नेपालको पनि उपस्थिति रहेको थियो ।

सिटी एक्सप्रेस मनी ट्रान्सफरले रेमिटान्स क्षेत्रमा आफ्नो छुट्टै पहिचान बनाउँदै विगत १७ वर्षदेखि संसारभरबाट विप्रेषण सेवा प्रदान गर्दै आइरहेको छ । हालै सिटी एक्सप्रेस मनी ट्रान्सफरले सिटी पे वालेटमार्फत् अनलाइन भुक्तानीको सेवासमेत सुचारु गरेको छ साथै सिटी पेबाट रेमिटान्स भुक्तानी पनि गर्ने सकिने व्यवस्था रहेकाे कम्पनीले एक प्रेस विज्ञप्ति जारी गरी जनाएकाे छ ।