एजेन्सी, असार ३० ।
अमेरिकाको पेन्सिलभेनियामा चुनावी र्‍यालीमा गोली चल्दा पूर्वराष्ट्रपति डोनाल्ड ट्रम्प घाइते भएका छन् । शनिबार राति चुनावी र्‍याली चलिरहेका बेला गोली चल्दा ट्रम्प घाइते भएको बीबीसीले जनाएको छ ।

र्‍यालीमा ट्रम्पलाई गोली हान्ने व्यक्ति मारिएका छन् । अमेरिकी सिक्रेट सर्भिसको कारबाहीमा ती व्यक्ति मारिएको समाचारमा बताइएको छ ।

पूर्वराष्ट्रपति ट्रम्पको कानबाट रगत बगेको तस्वीरहरू सार्वजनिक भएका छन् । यद्यपि उनको अवस्था सामान्य रहेको ओहायोका सिनेटर तथा रिपब्लिकन नेता जेडी भान्सले बताएका छन् ।