काठमाडाैं, श्रावण १० ।
पत्रकार किशोर श्रेष्ठलाई धम्क्याएको अभियाेगमा प्रहरीले नेत्रविक्रम चन्द ‘विप्लव’का एक जना कार्यकर्तालाई पक्राउ गरेको छ । पक्राउ पर्नेमा कपिल सी रहेको प्रहरीले जनाएको छ ।

उनलाई काठमाडाैंकाे बुद्धनगरबाट पक्राउ गरिएको जिल्ला प्रहरी परिसर काठमाडौंका एसएसपी बसन्त रजौरेले जानकारी दिएका छन् ।

उनीविरुद्ध श्रावण ८ गतेदेखि लागू हुने गरी अभद्र व्यावहार मुद्दामा म्याद लिएर प्रहरीले अनुसन्धान गरिरहेको छ । आरोपीले जनआस्था साप्ताहिकका सम्पादक श्रेष्ठलाई बमले उडाउने धम्की दिएका थिए ।