काठमाडौं, श्रावण १३ ।
भारतलाई ८ विकेटले हराउँदै महिला एशिया कप टी–२० प्रतियोगिताको उपाधी श्रीलंकाले जितेको छ । आज आइतबार भएको फाइनलमा भारतलाई पराजित गर्दै श्रीलंकाले पहिलो पटक एशिया कपको उपाधी जितेको हो ।

टस जितेर पहिला ब्याटिङ रोजेको भारतले ६ विकेटको क्षतिमा १६५ रनको बलियो स्कोर खडा गरेको थियो । भारतकी कप्तान स्मृति मन्धनाले ४७ बलमा ६० रन बनाएकी थिइन् । श्रीलंकाले २ विकेट मात्रै गुमाएर लक्ष्य भुट्टाएको थियो । श्रीलंकाले पहिलो विकेट ७ रनमै गुमाएको थियो । भिस्मी गुणरत्ने १ रनमै रनआउट भइन् ।

तर, कप्तान चामरी अथापट्थु र हर्षिता समराविक्रमाले ८७ रनको साझेदारी गर्दै श्रीलंकालाई जितको बाटोमा डोहो¥याएका थिए । चामरीले ४३ बलमा ६१ रन र हर्षिताले ५१ बलमा ६९ रनको योगदान दिइन् । चौथो नम्बरमा आएकी कभिसा दिलहरीले १६ बलमा ३० रन जोडेपछि भारत खेलमा फर्किन सकेन । श्रीलंकाले ८ बल बाँकी छँदै लक्ष्य हासिल गरेको थियो ।