काठमाडाैं, श्रावण १५ ।
नेशनल लाईफ इन्स्योरेन्स कम्पनी लिमिटेडले २०८१ जेठ महिनामा जारी गरेको मासिक योजना अनूरूप उत्कृष्ट कार्य गरी तोकिएको लक्ष्य पूरा गर्न सफल अभिकर्ताहरूसहित कम्पनीका उप-प्रमुख कार्यकारी अधिकृत, विभागीय प्रमुखहरू र विभिन्न शाखाका शाखा प्रमुखहरू गरी करिब ३०० जनाको उपस्थितिमा काठमाडाैंको हाेटल सोल्टीमा नेशनल लाईफ गाला कन्सर्ट सम्पन्न गरेको छ ।

कन्सर्टमा स्ट्याण्ड अप कमेडीका लागि चर्चित कलाकार सन्दिप क्षेत्रीको प्रहसनसहित नेपालका चर्चित कलाकारहरू प्रमोद खरेल, मेलिना राई र हेमन्त शर्माको बेजोड साँगीतिक प्रस्तुति रहेको थियो भने चर्चित डि.जे. डिजे नानीको प्रस्तुतिमा उपस्थित अभिककर्ताहरूले भरपुर मनोरञ्जन लिएका थिए ।

भव्य रूपमा आयोजना गरिएको उक्त गाला कन्सर्टमा कम्पनीका उप-कार्यकारी अधिकृतले नेशनल लाईफले सदा झैँ अभिकर्ताहरूको चाहनालाई मध्यनजर गर्दै विभिन्न योजनाहरू ल्याउने क्रममा गाला कन्सर्टको अवधारणा ल्याइएको र यस योजनालाई देशैभरीका अभिकर्ताहरूले उत्साहका साथ मनन् गरेको हुनाले नै योजना सफल भएको बताउदै अभिकर्ताहरूको उत्साहजनक उपस्थितिले कार्यक्रम भव्य रूपमा सम्पन्न भएको जानकारी गराएका थिए ।